新冠肺炎疫情持續，一眾前線醫護亦在醫院堅守崗位，與港人同心疫抗。中大醫學院日前在社交網站分享了一位實習醫生王美婷（Ada）的抗疫小故事，Ada投身Dirty team後，雖然經驗尚淺，但憑住一句「NEVER GIVE UP!」的信念，她勇敢踏上這場『疫』戰中！
「SARS時我仲係好細嘅細路仔，所以呢次係令我畢生難忙嘅一個體驗，可以經歷到呢場疫症，有份去參與，去幫到啲病人。」
實習醫生輪流每4日通宵當值一次
在Dirty Team工作的日子，Ada每日由早上8時半工作至下午6時，而實習醫生亦需要輪流每4日一次的通宵當值，負責整晚的工作至翌日下午1時，「以前依賴性大啲，依家就會諗，其實邊個唔想瞓呀，夜晚call佢地（資深醫生），佢地就可能成晚都無得瞓，聽朝又要再返工……鷄毛蒜皮嘅事就真係唔好動不動就call佢地。」
入Dirty Team後猶如木人巷
加入Dirty Team後，Ada更猶如進入木人巷，「上到Dirty Team 更加要獨立，因為無可能隨時隨地搵人幫拖，硬住頭皮都要做，做做吓其實就會知，加上senior嘅提點，其實就會識。」雖然經驗尚淺，但她亦積極在團隊內發揮自己作用，協助資深醫生就複雜個案諮詢其他專科意見。
「永不言敗」追尋醫科夢！
醫院職員宿舍近日已經成為Ada的另一個「家」，她房間的工作枱上有一個相架，陪伴她走過七個寒暑，追尋醫科夢。這個相架內正正是寫着朋友給她的打氣字句：「NEVER GIVE UP 永不言敗．Follow your heart. Chase your dreams. Inspire others」。
「NEVER GIVE UP」經已成為了Ada的座右銘，她認為做醫生十分靠自己的信念，「你覺得自己做到就做到，覺得自己捱得過就會捱得過。」
資料及圖片來源：中大醫學院Facebook專頁【「疫」戰中的他和她● 第四章】
